Komîteya Amadekar ya 1ê Gulane ya Edene bi siloganê ‘Kar, ked, azadî û edalet’ her kesî dawetê raşteyanê 1ê Gulane kerde
Bajarê Edene de bi serkêşîya Konfederasyonê Sendîkaya Kedkaranê Rayapêroyî (KESK), Konfederasyonê Sendîkaya Karkeranê Şorişgêrî (DÎSK), Yewîya Odeyê Muhendis û Mîmaranê Tirkî (TMMOB), Odeya Doktoran ya Edene, Baroya Edene û sewbîna çend partîyê sîyasî do 1ê Gulane Roşanê Karkeran bi siloganê ‘Kar, ked, aştî û edaletê’ Raşteyê Ufur Mumcuyî de pîroz bikerî.
Serekê Komîteya Amadekar ya 1ê Gulane ya Tongûç Ozkanî dîyar kerd ke ê do 1ê Gulane Roşanê Karkeran de bale biancî krîzê ekonomî, rewşa huqûqî ya Tirkîye û aştîye ser. Ozkanî da zanayene ke ê wazenê yewîya ke weçînayîşê herêmî de virazîya, 1ê Gulane de zî dewa bikera û heme kedkar û karkeran dawetê raşteyanê 1ê Gulane kenî.
Sekreterê Şubeyê Genel-Îşî yê Edene Serdar Çaparî zî seba azadî û piştîdayîşî her kesî dawetê raşteyê 1ê Gulane kerd. Sekreterê Koordînasyonê Bajêrî yê TMMOBî Erol Salmanî zî qiseykerdişê xo de her kesî dawetê raşteyê 1ê Gulane Roşanê Karkeran kerd û va: “Ma 1ê Gulane de seba seferberîya demokrasî û kede her kesî dawetê raşteyê 1ê Gulane kenî.” EDENE
