Meclisa Jinan a HDK’ê, derbarê êrîşa zayendî ya li dijî zaroka 5 salî daxuyanî da û wiha got: “Em ê bibin dengê zarokên ku tên bêdengkirin. Li her cihê ku êrîşa zayendî tê kirin em ê bi dengê herî bilind biqîrin: Zarok tê bêdengkirin lê tu bêdeng nemîne.”
Meclisa Jinan a Kongreya Demokratîk a Gelan (HDK) derbarê êrîşa zayendî ya li dijî zaroka 5 salî li Kuçukçekemceyê ya Stenbolê de daxuyanî. Di daxuyaniyê de hat diyarkirin ku li dijî êrîşa zayendî jin li her derê li ser pêyan e lê Walîtiya Stenbolê çalakgeran wekî ‘provokator’ nîşan dide û polîs jî êrîşî kesên ku bûyerê şermezar dikin dike.
Di daxuyaniyê de meclisa jinan bal kişand ser biryara veşartinê ya têkildarî lêpirsînê û wiha domand: “Biryara veşartinê ya derbarê lêpirsîna li ser bûyerê tê wateya bincilkirina wê. Ji Pozantî, Ensar û heta Aladagê polîtîkayên dewletê yên li dijî zarokan bingeha êrîşên nû û zêdebûna tundiyê ava dikin.”
Her wiha di dawiya daxuyaniyê de ev tişt hat gotin: “Em careke din bang li îktîdarê dikin û dibêjin ku ji bo tundî û êrîşên zayendî yên li dijî zarokan bên bidawîkirin bila polîtîkayên li dijî êrîşan bên pêşxistin. Em ê bibin dengê zarokan! Li her cihê ku êrîşa zayendî tê kirin em ê bi dengê herî bilind biqîrin: Zarok tê bêdengkirin lê tu bêdeng nemîne.”
