Polîsan mala hevseroka KCD’ê Leyla Guven ku ji bo rakirina tecrîda girankirî ya li ser Ocalan 169 roj in di greva birçîbûnê de ye ya li Rezan a Amedê dorpêç kir
Hevseroka KCD’ê û parlamentera HDP’ê ya Colemêrgê Leyla Guven ji bo rakirina tecrîda girankirî ya li ser Rêberê Gelê Kurd Abdullah Ocalan, 169 roj in di greva birçîbûnê de ye. Li gorî agahiyan, liv û tevgera polîsan a li ber mala Guven a li taxa Bagcilar a li Rezan a Amedê zêde bû.
Hat zanîn ku gelek wesayîtên zirxî, TOMA û polîs li ber mala Guven hatin bicihkirin. Hat ragihandin ku liv û tevgera polîsan li ser îstîxbarata ku dê li ber mala Leyla Guven daxuyanî bê xwendin, zêde bûye.
Liv û tevgera li ber mala Leyla Guven berdewam e. AMED
