Meclisa Kedê ya HDK’ê ji bo beşdariya 1’ê Gulanê daxuyanî da û diyar kir ku ji bo dawî li tecrîdê were û Leyla û hevalên xwe bijîn dê li qadên 1’ê Gulanê bin
Meclisa Kedê ya Kongreya Demokratîk a Gelan (HDK) têkildarî 1’ê Gulanê Cejna Karkeran daxuyaniyek nivîskî weşand. Di daxuyaniyê de hat bibîrxistin ku 1’ê Gulanê hêviya karker, kedkar û gelên bindest ên li azadî û rizgariya xwe digerin mezin dike û hêz dide têkoşîna wan a azadiyê. HDK’ê di daxuyaniya xwe de wiha got: “Cîhanek din mimkin e. Bila dawî li tecrîdê were. Bila Leyla û hevalên xwe bijîn. Em ê bi vê şiyarê li qadên 1’ê Gulanê bin.” ENQERE
