Serlêdana malbata Rêberê Gelê Kurd Ocalan û girtiyên din ên li Îmraliyê careke din ji aliyê Serdozgeriya Komarê ya Bûrsayê ve hat redkirin
Mehmet Ocalan û Vasî Mazlûm Dînç ji bo ku bi Rêberê Gelê Kurd Abdullah Ocalan re hevdîtin pêk bînin, duh bi rêya parêzerên xwe serî li Serdozgeriya Komarê ya Bûrsayê dabûn. Serlêdan ji aliyê serdozgeriyê ve hat redkirin.
Her wiha Polat Yildirim ji bo bi birayê xwe Hamîlî Yildirim, Alî Konar ji bo bi birayê xwe Omer Hayrî Konar û Sabîha Aslan jî ji bo bi birayê xwe Veysel Aktaş re hevdîtin bikin serî li serdozgeriyê dabûn, dozgeriyê serlêdana wan jî qebûl nekir.
Serdozgerî serlêdanan bi hinceta sînordarkirinên têkildarî hukumxwaran ku di qanûna hejmara 5275’an a têkildarî înfaza tedbîrên ceza û ewlehiyê de cih digire, red kir.
Birayê Ocalan, Mehmet Ocalan piştî hevdîtina xwe ya di 11’ê îlona 2016’an de herî dawî di 12’ê çileyê de de bi Ocalan re hevdîtin pêk anîbû. STENBOL
