Malbatên li ber Girtîgeha Gebzeyê ji bo zarokên xwe yên di çalakiya greva birçîbûnê de çalakî pêk tînin, bi Waliyê Kocaeliyê re hevdîtin pêkanîn. Walî ji malbatan re ragihand ku çalakiya wan bi biryara wezaretê qedexe dikin
Malbatên girtiyan ên li ber Girtîgeha Gebzeyê ji bo zarokên xwe yên di çalakiya greva birçîbûnê de çalakiya rûniştinê pêk tînin, li ser astengkirina çalakiya xwe, bi Serokwekîlê Koma HDP’ê Sarûhan Olûç û Parlamentera HDP’ê Zuleyha Gulum re derbasî Walîtiya Kocaelîyê bûn. Malbatan li walîtiyê bi Walî Huseyîn Aksoy re hevdîtin pêk anîn.
Piştî hevdîtina ku bi qasî 15 deqeyan domiya, malbatan têkildarî hevdîtina xwe daxuyaniyek da û ragihandin ku Walî Aksoy ji wan re gotiye ku ew bi fermana Wezareta Karên Hundir çalakiya wan qedexe dikin û ji ber vê yekê nikare tu bi awayî destûr bidine wan. Malbatan diyar kir ku li ser pirsa wan a ‘Mafê me yê çêkirina piştgiriyê û nêzbûna zarokên me tune ye?’ Walî Aksoy ev bersiv daye wan: “Ez zanim kî we bi rêxistin dike.” KOCAELÎ
