YJK-E’yê bi daxuyaniyeke nivîskî diyar kir ku dê di 30’ê nîsanê de ji bo bibin dengê çalakgerên greva birçîbûnê li hemû bajarên Almanyayê çalakiya ‘7 hezar mûman pêbixin’ pêk bînin
Di 30’ê nîsanê de kurdistaniyên li Almanyayê ji bo bibin dengê grevên birçîbûnê dê çalakiya ‘7 hezar mûman pêbixin’ pêk bînin.
Têkildarî çalakiyê Yekitiye Jinên Kurd ên li Almanyayê (YJK-E) bi daxuyaniyeke nivîskî bang li welatiyên li Almanyayê dijîn kir ku tev li çalakiyê bibin.
Di daxuyaniyê de YJK-E’yê diyar kir ku Leyla Guven ev 171 roj in li dijî tecrîdkirina Rêberê Gelê Kurd Abdullah Ocalan di greva birçîbûnê ya bêdem û bêdorveger de ye û da zanîn ku Guven ji bo tarîtiya li Îmraliyê biçirîne çirûska yekemin pêxistiye û wiha got: “Girtiyên azadiyê bi vîneke mezin agirê berxwedanê geş dikin. Agirê azadiyê yê li Ewropayê geş dibe.”
YJK-E’yê bal kişand ser berxwedan li Ewropa û zindanan û wiha domand: “Di 30’ê nîsanê de em 7 hezar mûm pêdixin. Tu jî mûmekê pêbixe; bibe dengê girtiyan.”
Her wiha YJK-E’yê di serî de bang li gel, hemû gelan û dostên kir ku tev li çalakiya ku dê 30’ê nîsanê li hemû bajarên Almanyayê, kolan, qad û semtan saet 18:00’an hemwext ji bo 7 hezar girtiyan 7 hezar mûm pêbixin.
