Arkeologî bajarê Asvanî yê Misirî de mîyanê mezelêko nizdîyê 2.000 serrî de bi desan mumyayê antîk vînayî
Mezelo ke qala ci yeno kerdene de cinî, camêrd û domanî zî tede pêro-pîya 35 mumyayê antîk vejîyayî. Yeno texmînkerdene ke no mezel prosesê Greko-Roma de mabenê serranê Îsayî Ra Ver (ÎV) 332 û Îsayî Ra Pey (ÎP) de bîyo. Arkeologî sere de odeyêka 4 mumya tedebî vînayî û badê kinitişî odeyêka tede vazo û sewbîna çîyê ke merasîmê cenazeyan de ameyêne xebetnayîş zî tede 31 mumyayê bînan vînayî. Odeya peyên de sewbîna sedirêko kolîyê palmîye û ketenî ra ameyo viraştene dîyî. Mumyayan 2 hebê ke yeno texmînkerdene dayîk û doman î, baş ameybî muhafazakerdene, labelê sewbîna mumyayî zirar dîbî.
Goreyê xebera Arkeofili, hiyeroglifê serê parçeyê tabutan de nameyê wayîrê mezelan nuşte yo: Tjit. Sewbîna mezelan ra maskeyê susin, heykel û çarşefa ke papirusî ra ameyo viraştene ame dîyayene. Zanyarê Misirî Patrizia Piacentini dîyar kerd ke no keşifêko muhîm bî, çimkî tarîxê Asvanî de çîyê kêman rê çîyê newe daxil bîyî.
