Gelê xwecihî yê Ekvatorê Waorani, ji ber ku cih û warê wan ji bo petrolê tên wêrankirin, li ber xwe didin. Têkoşîna demdirêj a hiqûqî ya gelê Waorani bi ser ket
Gelê Waorani li eyaleta Puyo ya li navenda Ektavorê ye û nifûsa xwe derdora 4 hezar û 800 kesî ye. Ji ber ku cih û warê wan ê li daristanên Amazonê ye ji bo petrolê tê wêrankirin, li ber xwe didin.
Herî dawî, hikumeta Ektavorê li qadeke ji hezar û 800 kîlometre çargoşeyî ya warê Waoraniyan dest bi lêgerîn û derxistina petrolê kir. Gelê Waorani li dijî vê yekê serî li dadgeriyê da. Dadgerên dadgeheke ceza ya li Puyoyê hikûm dan, ku hikûmetê mafê ‘diyarkirina çarenûsa xwe ya gelan’ ê di destûra bingehîn de cih digire, li dijî gelên xwecihî binpê kiriye.
Dadgeran her wiha biryar dan, ji ber ku li ser projeya petrolê hikumet bi gelên xwecihî neşêwiriye, mafên gelên xwecihî yên di destûra bingehîn de cih digirin hatine binpêkirin. Di biryara dadgehê de hikûm hate dayin ku hikûmeta Ekvatorê li gorî şert û mercên ji aliyê Dadgeha Mafên Mirovan a Welatên Amerîkayê ve hatine diyarkirin, bi gelê xwecihî bişêwire.
Gelê Waorani li beşa Ekvatorê ya daristanên Amazonê li qadeke ji 8 hezar kîlometre çargoşeyî dijî. QUITO
