Fona Pereyan a Navneteweyî (IMF) ragihand ku li gorî texmînên wan Îran a ku du sal in li ser hev di resesyonê de dimîne, sala 2019’an enflasyona wê bigihêje ji sedî 40
Krîza aboriyê ya li Îranê mezin dibe. Piştî ku DYE’yê xwe ji peymana nukleerê vekişand û meha mijdarê pêkanîn li ser firotina petrolê ferz kir, krîza li Îranê girantir bû.
Rêveberiya Washingtonê herî dawî di meha nîsanê de biryareke nû da û mûafiyeta 8 welatan a kirîna petrola Îranê rakir ku Tirkiye jî yek ji wan welatan bû. Li gorî vê biryarê, ji van welatan hate xwestin ku heta destpêka meha gulanê nema ji Îranê petrol bikirin.
Li gorî texmînên Fona Pereyan a Navneteweyêi (IMF) aboriya Îranê par ji sedî 3.9 biçûk bû. Midûrê departmana Rojhilata Navîn û Asya Navîn ê IMF’ê Cîhad Azûr ji Reutersê re axivî û got ku di sala 2019’an de ev meyl dê zêde bibe û bigihêje ji sedî 6’an.
Rayedarekî amerîkî di nav vê mehê de dabû xuyakirin ku pêkanînên Amerîkayê Îranê ji 10 milyar dolar hatineya petrolê bêpar hiştiye.
Tê payin ku enflasyon di nava salê de bigihêje ji sedî 40. Riyalê Îranê par bi rêjeya ji sedî 60 bêqîmet bûbû.
