Li bajarê Saitamayê ya Japonyayê ji ber ku zextê li xwendekarên kurd dikin, zarok naxwazin biçin dibistanê. Hidenobu Matsuzawa têkildarî mijarê daxuyanî da û bertek nîşanî helwesta li dijî zarokên kurdan da
Hidenobu Matsuzawa japonekî 70 salî ye û li bajarê Saitamayê ya Japonyayê serokê Saziya Alîkariya ji bo gelê kurd e. Ji ber ku biçûkxistin û zextên li dijî zarokên kurd ên diçin mektebê li vî bajarî zêde dibe, wê daxuyaniyek da çapemeniya Japonyayê.
Hidenobu Matsuzawa balkişand ser xweranegirtina li çandên cihê li Japonyayê. Bi qasî 2 hezar kurdên Japonyayê, herî zêde li bajarê Kawaguchi ye ku girêdayî wilayeta Saitamayê ye, dijîn.
Ji ber ku li vî bajarê zêde bela xwe li zarokên kurd didin, zarok naxwazin biçin dibistanê. Têkildarî mijarê Matsuzawa wiha got: “Gelek şagirtên kurd li vir bi rengekî ji rengan bi zextan re rûbirû dimînin. Dema ku bi japonî jî nizanibin, nikarin fikra xwe jî zelal îfade bikin. Hingê jî zextên sîstematîk hesantir peyda dibe. Nebûna agahdariya li erf, adet, çand û jiyana civakî ya li vir, dikare bibe sedema jihevşaşfêmkirin û pêşhikuman.” SAITAMA
