Edene de saetanê serê sibayî de sereştişê keyeyan virazîya û 24 kesî ameyî tepiştene. Sewbîna 3 kesê ke taxa Yureklî ya Edene de şewa 29ê Nîsane de hetê polîsan ra ameybî tepiştene zî serbest ameyî veradayene
Edene de ewro saetanê serê sibayî de polîsan hemwext eşt xeylî keyeyan ser, berê tayî keyeyan şikitî, keyeyî serûbin kerdî û dest na malzemeyê dijîtalî ser. Sereştişan de 24 kesî ameyî tepiştene.
Sewbîna taxa Yureklî ya Edene de şewa 29ê Nîsane de polîsan eştbî vernîya E.S., A.K. û A.M.yî û înan tepiştibî. 3 kesê ke îfadeya înan peynî bî, sewqê Mehkemaya Edene ameyî kerdene û badê îfade dayî dozgerî serbest ameyî veradayene. EDENE
