Merdimanê tepişteyanê ke waşt ke vernîya Zîndanê Êlîh û Wanî de eşkerayî bidê, raştê hêrişê polîsan ameyî. Tewr tay 38 kesî ameyî tepiştene
Êlîh û Wanî de polîsan reyna hêrişê merdimanê tepişteyan kerd û tewr tay 38 kesî destbend kerdî. Merdimê tepişteyanê ke domanê înan zîndan de semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê waşt ke vernîya Zîndanê Êlîhî de eşkerayîyêk bidê. La polîsan destûr eşkerayîye nêda û hêrişê înan kerd.
Netîceyê hêrişî de serekwekîlê HDPyî yê bajarî Gulcemal Erdinçe û Îkram Îrgî, îdarekarê partîye yê bajarî Mahîr Beklevîş, maya Nasir Yagizî yo ke Hewlêr de grevê vêşanîye de yo,Muazzez Yagize û 21 kesê ke nameyê înan zelal nêbîyo ameyî tepiştene.
Bi heman waştişî Wan de zî dayîkan waşt ke vernîya zîndanî de eşkerayîyêk bidê. Polîsan hêriş kerd dayîkî zî tede 13 kesî bi erd ra kaşkerdişî destbend kerdî. Polîsan destûr nêda ke dîmenî berê antene û di kesanê ke dîmenî antî ê zî ameyî tepiştene. WAN / ÊLÎH
