Li Amedê polîsan kortaja ku xwest bi laçikên spî bikeve qadê asteng kirin û destûr neda tu kes bi laçikan bikeve qadê
1’ê Gulanê Roja Karkeran li Qada Stasyonê ya Amedê tê pîrozkirin. Lê polîsên dewleta tirk kortaja ku xwest bi laçikên spî ku sembola aştiyê ye bikeve qadê, asteng kirin. Polîsan diyar kirin ku dê destûrê nedin tu kes bi laçikên spî bikeve qadê û ji kesên ku di nav korteje de cih digirin xwest laçikên xwe biavêjin. Lê kesên di korteje de diyar kirin ku dê bi laçikên spî bikevin qadê. Niha kortej lê bendêye ku bi laçikên spî bikeve qadê.
Her wiha di aliyê din ve jî Dayikên Aştiyê jî bi tilîlî û dirûşma ‘Bijî berxwedana zindanan’ ketin qadê.
