Dayîkê hepsîyan zî bi laçiganê xo yê sipîyan tewrê şayîya 1ê Gulane ya Bakirkoyî bîyî
Roşanê Kedkaran ê 1ê Gulane yo ke emser Meydanê Bazarê Bakirkoyî de yeno pîrozkerdene dayîkê hepsîyan zî bi laçiganê xo yê sipîyan tewrê ci benê. Şayîya ke Konfederasyonê Sendîkaya Karkeranê Şorişgêrî (DÎSK) zî tede xeylî dezgeyê cimatê sivîlî tewrê ci benê vernîya Forumê Marmara yê AVMyî de ameyî pêser.
Konfederasyonê Sendîkaya Kedkaranê Rayapêroyî (KESK), Yewîya Odeyê Muhendis û Mîmaranê Tirkî (TMMOB), Partîya Demokratîke ya Şaran (HDP) û Kongreya Demokratîke ya Şaran (HDK) zî Dîkîlîtaşî de ameyî pêser. Dayîkê hepsîyan ke seba ke bale biancê serê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene, laçigê sipîyî antê xo vernîya kortejî de ca gênê. Dayîki pankarta ‘ Wa tecrîd biqedîyo, mergî mêbê kirişenê û bi slogana ‘Biciwîyo xoverdayîşê zîndanan‘ gîrenê. STENBOL
