Temsîlkarê partîyê kurd yê ke weçînayîşê herêmî de HDPyî reyde îtîfaq kerdbî, şîyî zîyaretê Hemşaredarê Bajarê Girdî yê Amedî Selçûk Mizrakli yî
Temsîlkarê Platforma Demokratê Kurdistanî (PDK-Bakur), Hereketa Azadî, Partîya Merdim û Azadî (PÎA), Partîya Komunîste ya Kurdistanî (KKP), Partîya Demokrate ya Kurdistan – Tirkîye (PDK-T) û Komeleya Şoreşgerê Demokrate yê Kurdan (DDKD) ke weçînayîşê herêmî yê 31ê Adare de Partîya Demokratîke ya Şaran (HDP) reyde îtîfaq kerdbî, şîyî zîyaretê Hemşaredarê Bajarê Girdî yê Amedî Selçûk Mizrakli yî
Parlamenterê HDPyî yê Amedî Musa Farisogullari û Îmam Taşçierî zî temsîlkarê partîyan reyde şîyî zîyaret. Hemşaredar Selçûk Mizrakliyî heyeto ke ame zîyaretê ci fekê berê şaredarî de pêşwazî kerd. temsîlkarê îtîfaqê kurd kitab dîyarîyê Mizrakliyî kerdî û pîya sohbet kerdî. Badê sohbetî heyeto ke ame şaredarî ra vejîya û vila bîyî. AMED
