Polîsên AKP’ê li Şirnexê destûr nedan ku malbatên girtiyên di greva birçîbûnê de ne daxuyaniyê bidin
Malbatên ku çûn serdana xizmên xwe yên li Girtîgeha Tîpa T a Şirnexê ji bo balkişandina girtiyên ku ji bo rakirina tecrîda li ser Rêberê Gelê Kurd Abdullah Ocalan di greva birçîbûnê de ne, xwestin daxuyaniyekê bidin. Rêveberên HDP û DBP’ê yên Şirnex û navçeyên wê jî piştgirî dan malbatan. Polîsên tirk ên AKP’ê wekî her carên din ku li ser fermana Wezîrê Karê derve yê AKP’ê Suleyman Soylû tevdigerin li pêşiya girtîgehê dora malbatan girt. Polîsên AKP’ê êrîşî malbatan kirin û destûr nedan ku malbat li ber girtîgehê daxuyaniyekê jî bidin. Malbat piştre derbasî HDP’a Şirnexê bûn û li wê derê daxuyanî dan.
Hevserokê HDP’ê yê Şirnexê Zekî Îrmez diyar kir ku li Girtîgeha Tîpa T a Şirnexê 20 girtî di greva birçîbûnê de ne û wiha got: “Divê hevdîtina rêzdar Ocalan ya bi malbat û parêzerên wî pêk bê. Heke rewşeke neyînî pêk were, berpirsê vî tiştî hikumeta AKP’ê ye.”ŞIRNEX
