Artêşa tirk û çeteyên girêdayî wê di van kêliyan de gundên Şera ya Efrînê topbaran dikin. Têkildarî encamên topbaranê agahî nehatin girtin
Êrîşên artêşa tirk û çeteyên girêdayî wê yên li dijî navçeyên Efrînê berdewam in. Bi taybet jî di demên dawî de êrîşên artêşa tirk zêde bûn. Artêşa tirk careke din gundên navçeyên Efrînê topbaran kirin.
Li gorî agahiyên ji herêmê, hêzên artêşa tirk û komên çete yên girêdayî wê di van kêliyan de bi çekên giran êrîşî gundên Merenaz, Malikiyê, Şewarxe û Minix ên girêdayî navçeya Şera ya Efrînê dikin.
Têkildarî encamên topbarana artêşa tirk a li ser herêmê heta niha tu agahiyên zelal nehatine bidestxistin. Topbarana li ser herêmê berdewam e. EFRÎN
