Ji bo bal kişandina ser tecrîda li ser Ocalan, hiqûqnas, aktîvîstên mafên mirovan û siyasetmedarên îtalî deklarasyoneke hevpar weşandin û bang li saziyên YE’yê û CPT’yê kirin ku bi berpirsyariya xwe rabin
Hîndekarê Zanîngeha Perugia û Profesorfê Hiqûqê ya Destûra Bingehîn Mauro Volpi, Cîgirê Serokê Dadgeha Destûra Bingehîn Paolo Maddelena, serokê Odeya Dadgeha Bilind Domenico Gallo, parêzerê Ocalan Luigi Saraceni jî di nav de komek ji akademîsyen û rewşenbîran li dijî tecrîdê deklarasyoneke hevpar weşandin. Di deklarasyonê de bang li Yekitiya Ewropayê (YE), Konseya Ewropayê (KE) û Komîteya Pêşîlêgirtina Li Îşkenceyê ya Konseya Ewropayê (CPT) kirin ku wezîfeya xwe bi cih bînin.
Deklarasyona hevpar wiha ye:
“Lîderê tevgera neteweyî ya kurd Abdullah Ocalan, ji sibata sala 1999’an û vir ve li Tirkiyeyê girtî ye. Ji dema hatiye girtin û vir ve Ocalan di nava tecrîdê de tê girtin û kiryarên biçûkxistinê li dijî wî tên kirin. Ev nêzîkatî beriya her tiştî li dijî Peymana Ewropayê ye ku mafên mirovan diparêze.
Li gorî mewzûata heyî, mafê Ocalan e ku bi telefonê bi malbata xwe re biaxive, karibe bi girtiyên din ên li giravê re têkiliyê deyne, nameyan û faksê bişîne û werbigire. Nabe ku ev maf bên binpêkirin. Mafê temaşekirina li televîzyonê, guhdarîkirina li radyoyê, wergirtina rojname, kovar û pirtûkan, serdana bijîşkan, nabe ku bên redkirin an jî astengkirin.
Parlamentera HDP’ê ya Colemêrgê Leyla Guven, ji 7’ê mijdara sala 2018’an ve di greva birçîbûnê de ye. Ji bo dawî li tecrîdkirina dijwar a Ocalan bê anîn bang dike. Lîderekî gel ê naskirî, ji bo demokrasî û aştiya li Rojhilata Navîn dikare çareseriya bi rêya siyasetê xurt bike.
Penaberê siyasî yê kurd Erol Aydemîr jî ji 20’ê adarê ve di greva birçîbûnê de ye. Heta niha tu hikûmet û saziyên Ewropayê, bi xurtî dest li rewşa ku grevên birçîbûnê şermezar dikin, wernedane.
Em ji hiqûqnas, mirovên ji bo parastina mafên mirovan dixebitin, ji hikûmetên neteweyî, YE û organên Konseya Ewropayê bi taybetî ji CPT’yê re dibêjin, ji bo Abdullah Ocalan karibe hevdîtinê bi parêzerên xwe û malbata xwe re bike, ji bo tavilê dawî li tecrîdê bînin, li dijî Komara Tirkiyeyê tavilê û biryardarî bikevin nava liv û tevgerê.”
Navên kesên ku deklarasyon îmze kirin wiha ne:
“* Profesorê Hiqûqa Destûra Bingehîn a Zanîngeha Pereguiayê Mauro Volpî
* Cîgirê Serokê Dadgeha Destûra Bingehîn Paolo Maddalena
* Serokê Odeya Dadgeha Bilind Domenîco Gallo
* Dadgerê berê yê sulhê, parlamenter û parêzvanê Ocalan Luîgî Saracenî
* Serokê Baroya Padvayê Leonardo Arnau
* Serokê Giştî yê Progetto Dîrîttî (Projeya Maf) Marîo Antonîo Angelellî
* Serokê Verîtà e Gîustîzîa per î Nuovî Desaparecîdos (Komîteya Edalet û Rastiyê ya ji bo Desaparecidos a Nû) Arturo Salerni
* Serokê Hiqûqnasên Demokratîk Roberto Lamacchîa
* Serokê Komeleya Lêkolînên Hiqûqî Li Ser Koçberiyê Lorenzo Trucco
* Parêzer Emîlîo Robottî – Genova
* Parêzer Gîanluca Vîtale – Torîno
* Parêzer Gaetano Pasqualîno – Palermo
* Parêzerê Forûma Karkeran Franco Russo
* Parêzer Luca Santînî – Roma
* Coordînatore Gîurîstî Democratîcî di Roma Cesare Antetomaso
* Parêzerê Marîa Rosarîa Damîzîa – Roma
* Presîdente dell’Archîvîo Audîovîsîvo del Movîmento Operaîo e Democratîco, Vîncenzo Vîta
* Parêzer Claudîo Gîangîacomo – Roma
* Gîà Sottosegretario allo Svîluppo Economîco, Alfonso Gîannî
* Gîà Sottosegretarîo all’Economîa, Alfîero Grandî
* Coordînatrîce nazîonale di Antîgone, Susanna Marîettî
* Parêzer Elena Fîorînî – Genova
* Già parlamentare Gîovannî Russo Spena
* Coordînamento per la Democrazîa Costîtuzîonale di Roma, Fanîo Gîannetto
* Coordînamento per la Democrazîa Costîtuzîonale di Roma GîampÎero Filotîco
* Parêzer Nîno Caccîoppo – Palermo
* Francesco Paolo De Arcangelis, Associazione Articolo 24
