Di nav de çawîşê pispor û cerdevan jî heye 5 kes, bi sûcdariya li Gundê Stîlê yê Nisêbînê welatiyê bi navê Mehmet Şîrîn Kaya kuştin, hatin girtin
Li Gundê Stilîlê yê Navçeya Nisêbînê di 26’ê Nîsanê saet di 23.00’an de welatiyê bi navê Mehmet Şîrîn Kaya (25) rastî êrîşa bi çeka otomatîk hat û jiyana xwe ji dest dabû. Di bûyerê de 5 kesên hatin binçavkirin piştî li Fermandariya Cendirmeyan a Nisêbînê îfadeya wan hat girtin, sewqî dozgeriyê kirin. 5 kesên sewqî dadgehê hatin kirin, bi sûcdariya Kaya kuştine hatin girtin.
Di dosyaya ku Serdozgerê Komarê de biryara veşartinê daye de, ne diyar e ku der barê kesên din de biryara girtinê heye ya na. Lêpirsîn a der barê bûyerê de didome. Hat diyar kirin ku ji 5 kesên hatin girtin yek jê cerdevan û yek jî çawîşê pispor e. Hat zanîn ku di nava kesên hatin girtin de yek jî jin e û kesên êrîş kirine xizmên hev in.
Ji bedena Kaya 22 gule derketin
Hat diyar kirin ku Kaya bi çeka ‘Uzî” hatiye gulebarankirin û ji bedena Kaya 22 gule derketine. Kesên êrîş pêk anîn xwestibûn cenazeyê Kaya birevînin lê ji ber ku di wê saetê de welatî derketin kolanê êrîşkaran cenaze hiştibûn û reviyabûn.
Hat zanîn ku êrîş têkildarî kuştina Cerdevan Medenî Konak û Yakup Teme ên di 2015’an de di êrîşa PKK’ê de mirine pêk hatiye. Der barê êrîşa Kaya de parlamentera HDP’ê Pero Dundar pêşniyarnameya pêpirsinê dabû Serokatiya Meclisê û xwestibû ku Wezîrê Dadê Abdulhamît Gul bibersivîne. MÊRDÎN
