Hevseroka KCD’ê Leyla Guven ku li dijî tecrîdkirina Rêberê Gelê Kurd Abdullah Ocalan 179 roj in di greva birçîbûnê de ye. Guven bi peyamekê Bobby Sands ê di 5’ê Gulana 1981’an de di greva birçîbunê de jiyana xwe ji dest dabû bibîr anî
Berxwedana Hevseroka KCD’ê Leyla Guven a ji bo tecrîdkirina Rêberê Gelê Kurd Abdullah Ocalan bi dawî bibe, dest bi greva birçîbûnê ya bêdawî û bêdorveger kir, di roja 179’emîn de didome. Leyla Guven, bi minasebeta salvegera Bobby Sands ku di greva birçîbûnê de jiyana xwe ji dest da peyamek weşand û Sands bibîr anî.
Siyasetmedar ê Îrlandaya Bakur Bobby Sands, di sala 1972’an de hat girtin. Di sala 1981’an de bi armanca statuya girtiyên siyasî bê başkirin dest bi greva birçîbûnê kir. Sands, di roja 66’emîn de di 5’ê Gulana 1981’an de jiyana xwe ji dest da. Guven bi minasebeta salvegera Sands peyam şand û ew bibîr anî. Guven li ser hesabê xwe yê medyaya civakî ev tişt belav kir: “Qonaxa têkoşîna me, bi tevgera dayikên laçik spî didome. Êdî niha dema me gelan e, rêzdar Bobby Sands…” AMED
