Muzîkala têkildarî hunermend Hasret Gultekîn hatiye amadekirin li Frankfurtê hat pêşandan Dê muzîkal meha tîrmehê li gelek bajarên Ewropayê bê nîşandan
Hunermend Hasret Gultekin 2´yî tîrmeha sala 1993´yan li otela Madimakê ya li Sêwazê, tevî 34 ronakbîr û hunermendan bi destê girseyeke hov a nijadperest hatibû şewitandin. Muzîkala li ser jiyana wî ya bi navê Jiyanên Nîvco Hiştî: Hasret li Frankfurtê hat nîşandan.
Şirin Aktemur ev muzîkala yek kesî nivîsiye û derhêneriya wê kriiye. Lîstikvanî û sêwirandina hunerî jî karê Mert Kiliç e. Komeleya ciwanan û Çandê DÎDF-Frankfurtê bi karê organîzasyona nîşandana muzîkalê rabû û Saalbau Griesheimê muzîkal bi beşdariya gelek temaşekera hat nîşandan.
Muzîkal ji zarokatiya Hasret Gultekin heta bi roja li Madimakê hat qetilkirin, behsa jiyana wî dike. Di muzîkalê de dîmenên şewitandina Madimakê. êrişên li dijî Sûruc û Gara Enqere jî hene. Muzîkal bi strana ku kurê Hasretî, Ronî Gultekin dibêje, bi dawî dibe.
Muzîkal wê tîrmeha li pêşiya me li gelek bajarên Ewropayê bê nîşandan. FRANKFURT
