HRE’yê bi daxuyaniyekî ragihand ku hêzên wan li dijî komên çete yên girêdayî dewleta tirk çalakî pêk anîne. HRE’yê diyar kir ku di çalakiyan de 6 çete hatin kuştin
Hêrên Rizgariya Efrînê (HRE) têkildarî şer û pevçûnên dawî yên li Efrîn û herêma Şehbayê daxuyaniyeke nivîskî parve kir. Di daxuyaniyê de HRE’yê destnîşan kir ku çalakiyên wan ên li dijî artêşa tirk û çeteyên wê didomin û li gundên Şerayê şerên giran rû didin.
Di daxuyaniyê de HRE’yê ragihand ku hêzên wan di 4’ê gulanê de bersiv dane êrîşên artêşa tirk û çeteyên wê yên li dijî gundên Şerayê û ev agahî dan: “Piştî şerekî giran, êrîş hatin şikandin. Der barê hinek çalakiyan de me di demên berê de agahiyên berfireh parve kiribûn.”
Çalakiyên sûîqestê
HRE’yê daxuyand ku di 4’ê gulanê de hêzên wan li gundê Kefer Xaşir ê Ezazê li dijî wesayîteke leşkerî çalakî pêk anîne û wiha domand: “Di çalakiyê de 2 çete hatin kuştin û wesayît hate rûxandin. Ev çeteye ji bo ku piştgirî bidin çeteyên li Merenazê bi rê ketibûn. Di heman rojê de hêzên me li dijî çeteyên El Cebha El Şamiye yên li derdora gundên Malikiye û Merenazê 3 çalakiyên sûîqestê pêk anîn. Di çalakiyê de ê 3 çete hatin kuştin.” EFRÎN
