Baroya Îzmîrê li dijî biryara YSK’ê ya der barê betalkirina hilbijartina Stenbolê de “Nobeta Demokrasiyê” da destpêkirin
Baroya Îzmirê der barê biryara Lijneya Hilbijartinê ya Bilind (YSK) ya betalkirina hilbijartina Stenbolê de çalakiya “Nobeta Demokrasiyê” da destpêkirin. Serokê Baroya Îzmîrê Ozkan Yucel û endamên baroyê tev li nobetê bûn. Serokê Baroya Îzmirê Ozkan Yucel diyar kir ku Rêveberiya Baroya Îzmîrê li hev kom bûn û ji ber bi temamî demokrasî ji holê rabûye, li dijî vê helwestê biryarên cuda girtine. Yucel anî ziman ku ev biryara YSK’ê li hemberî dîrokê bê hikum e û wiha got: “Em ê li hemberî welatiyan bi îtîdallî tev bigerin. Endamên baroya Îzmîrê amade ne ku di xebatên hilbijartina Stenbolê ku bê nûkirin de bixebitin. Keleha komar û demokrasiyê Îzmîr wê di vê pêvajoyê de gelê Stenbolê bi tenê nehêle. Baroya me wê der barê van kesên ku ev biryar dane hemû cureyên hiqûqî pêk bîne. Em hemû baroyan û Yekitiya Baroyên Tirkiyeyê dawet dikin ku di vê pêvajoyê de cih bigire.” ÎZMÎR
