Heyetê Weçînayîşî yê Berzî (YSK) îtîrazê AKPyî ra dima vizêr arê bî û qerar da ke weçînayîşê Stenbolî newe ra bêro kerdene
Heyetê Weçînayîşî yê Berzî (YSK) îtîrazê AKPyî ra dima vizêr arê bî û qerar da ke weçînayîşê Stenbolî newe ra bêro kerdene. AKP seba pêroyê Stenbolî û qezaya Buyukçekmece, MHP zî seba pêroyê Stenbolî û qezaya Maltepe îtîrazê YSKyî kerdbî ke weçînayîş newe ra bêro kerdene. Heyetê YSKyî vizêr Stenbol de seba ercnayîşê îtîrazê AKP û MHPyî arê bî. Temsîlkarê YSKyî Recep Ozelî hesabê xo yê twitterî de qeraro ke dayî eşkera kerd û mesajê xo de dîyar kerd ke do tarîxê weçînayîşo newe yê Stenbolî 23ê Hezîrane bo û va: “Weçînayîşê Stenbolî newe ra yeno kerdene, xêr ser bo.” ozal
Badê eşkerakerdişê qerarê YSKyî xeylê hetan ra reaksîyonî ameyî. Heyetê Rayîrberîya Merkezî (MYK) yê CHPyî serektîya Serekê Pêroyî yê CHPyî Kemal Kılıçdarogluyî de arê bî. Mahmut Tanalo CHPyî hesabê xo yê twitterî de reaksîyon nîşan da û va: “YSK qerar da ke weçînayîşê Stenbolî newe ra bêro kerdene. Bi no qerarî cînayetê huqûqî pê ame. No qerar morê xo da tarîxê sîyaset û huqûqî. Dolar firîya.”
Parlamenterê HDPyî yê Stenbolî Ahmet Şikî zî hesabê xo yê twitterî ser de wina va: “6ê Gulana 2019î de Tirkîye de reyna darbe pê ame.” STENBOL
