Hemşaredarê Şaredarîya Bajarê Girdî yê Amedî Selçûk Mizrakli bale ant qerarê YSKyî yê Stenbolî ser û va: “No derbeya hemverê îradeya şarî yo.”
Hemşaredarê Şaredarîya Bajarê Girdî yê Amedî Selçûk Mizrakli derheqê qerarê Heyetê Weçînayîşî yê Berzî (YSK) yê betalkerdişê weçînayîşê Stenbolî de qisey kerd. Mizrakliyî dîyar kerd ke qeraro ke derheqê newekerdişê weçînayîşî Stenbolî de dîyayo derbe yo
Mizrakliyî qiseykerdişê xo de bale ant qerarê YSKyî ser û va: “Wezîfeyê YSKyî oyo ke bi edaletî nizdîyê weçînayîşan bibo. Labelê qeraro ke ameyo girewtene, hetê demokrasî de hemverê îradeyê şaran o. Na rewşe bena sebebê persê; gelo do weçînayîşê Tirkîye çarçeweya huqûqî de bêrî kerdene ya nê? Badê weçînayîşê 7ê Hezîrane ya 2015î îradeya şar ameye îpotekkerdene. Netîceyo ke referandum de vejîya raşte, rayapêroyî de bî cayê şik û persan. Rewna nikayîn nîşan dana ke nê şik û persî çiqas ca de yî. Tirkîye nika arîfeya qerarêko zaf muhîm de ya.” AMED
