Li rojhilatê Pakistanê êrîşeke xwekujî pêk hat û di encama êrîşa xwekujî de herî kêm 10 kes jiyana xwe ji dest da
Li Lahorê ya ku li rojhilatê Pakistanê ye êrîşek pêk hat. Êrîşa xwekujî li nêzî mozoleya sûfiyan a ku ji sedsala 11’an maye û yek ji mozoleya herî mezin a Asyaya Başûr e, pêk hat.
Fraksiyoneke Talîbanan a li Pakistanê êrîş li xwe girtin. Berpirsê wîlayeta Pencabê Ûsman Bûzdar diyar kir ku di êrîşê de 3 polîs, 2 karmendên ewlehiyê û yek jê zarok 5 kesên sîvîl mirine. Tê diyarkirin ku bi dehan kes jî birîndar bûne.
Mozoleya Data Dardar a ku gelek festîvalên sûfî lê tê lidarxistin jî di sala 2010’an de bûbû hedefa êrîşeke xwekuj û 40 kes jiyana xwe ji dest dabû. ÎSLAMABAD
