Li ber Girtîgeha Gebzeyê polîsan cerek din çalakiya rûniştinê ya malbatên girtiyan asteng kir. Malbatan jî gotin dê her roj werin çalakiya xwe pêk bînin
Malbatên girtiyên li dijî tecrîdkirina Rêberê Gelê Kurd Abdullah Ocalan di greva birçîbûnê de ne di roja 30’yemîn de li ber Girtîgeha Jinan a Gebzeyê çalakiya xwe ya nobetê domandin. Malbatan li avahiya HDP’a Navçeya Gebzeyê ya Kocaeliyê kom bûn û li wesayîtan siwar bûn ku biçin ber girtîgehê. Polîsan pêşiya malbatan birî û dorpêç kir. Tevî vê yekê jî malbat çûn cihek nêzî girtîgehê. Balkêş bû ku polîsek ji malbatan re got: “Çi karê we li vir heye? Bi Apo re hevdîtin pêk hat, hêj hûn çi dixwazin?”
Polîsan bi tu awayî destûra malbatan çûyîna ber girtîgehê neda. Malbatan bertek nîşanî polîsan da û wiha gotin: “Em ê her roj li vir bin. Em ê li gel zarokên xwe bin. Hêza we têra dayikan nake.”
Polîsan bi awayekî kêfî û bêhiqûqû ceza li wesayîtên malbatan birî. Polîsan bi darê zorê malbat li wesayîtên wan siwar kirin û ji herêmê wan dûr xistin. Malbatan jî bertekên xwe anîn ziman û destnîşan kirin ku dê zilma polîsên AKP’ê nikaribin vîn û berxwedana wan asteng bikin.
Malbat piştre derbasî avahiya HDP’a Gebzeyê bûn.
Bêhiqûqû û kêfiyet polîsên AKP’ê sîror nas nekir û dest danî ser telefonên rojnamegeran û dîmenan jê birin. KOCAELÎ
