Abdulhaluk Kaplan ê 9 roj in li dijî tecrîdê di çalakiya rojiya mirinê de ye diyar kir ku hevdîtina li gel Ocalan gavek erênî ye lê heta tecrîb di dawî bibe dê çalakiya xwe bidimînin. Kaplan diyar dike ku dayik ji bo wan bûne çavkaniya moral
Li dijî tecrîdkirina Rêberê Gelê Kurd Abdullah Ocalan 15 girtî ji 30’ê Nîsanê ve di çalakiya rojiya mirinê de ne. Piştî çalakiya rojiya mirinê hat destpêkirin, parêzerên Ocalan di 2’yê gulanê de çûn Grava Îmraliyê û bi Ocalan re saetek hevdîtin pêk anîn. Piştî hevdîtinê jî girtiyan ragihand ku heta tecrîd bi temamî ranebe dê çalakiyên xwe berdewam bikin.
Yek ji çalakgerên rojiya mirinê Abdulhaluk Kaplan ê li Girtîgeha Tîpa D a Amedê tê girtin bi malbata xwe re hevdîtinek pêk anî. Malbatê ragihand ku zarokê wan ji 8’ê adarê ve dest bi çalakiya greva birçîbûnê kiriye û bi qasî 10 kîloyan zeîf bûye û di nava van 9 rojên rojiya mirinê de jî 4 kîlo zeîf bûye û her ku diçe rewşa tenduristiya wî ber bi nebaşiyê ve diçe.
‘Heta tecrîd rabe em ê li ber xwe bidin’
Kaplan derbarê hevdîtina li gel Ocalan pêk hat bi rêya malbata xwe peyamek şand. Kaplan di nameya xwe de diyar kir ku hevdîtin gavek erênî ye û wiha got: “Hevdîtina li gel Serokatî û peyama şand gelek bi nirx, watedar û girîng e. Heta tecrîd bi temamî bê şikandin em ê bi biryardarî li ber xwe bidin. Em berxwedana dayikên xwe silav dikin. Tevî heqaret û êrîşan jî dayik dibin dengê zarokên xwe. Dayik bûne çavkaniya moralê me. Bi taybetî divê ciwan dayikan bi tenê nehêlin. Lazim e ciwan wek dayikan li ber xwe bidin.” AMED
