Li navçeya Licê bi hinceta derbarê 10 keyayên gund û taxan de lêpirsîn heye ji wezîfeyê hatin girtin û qeyûm tayînî şûna wan hat kirin
Wezareta Karê Hundir bi hinceta derbarê 10 keyayên gundên girêdayî navçeya Licê ya Amedê lêpirsîn heye wan ji wezîfeyê girt û qeyûm tayînî şûna wan kir.
Keyayên qeyûm tayînî şûna wan hat kirin wiha ne: Keyayê gundê Baravê Bahrî Narîn, keyayê gundê Xeraba Fîkrî Ertaş, keyayê taxa Karahasan Hanîfî Gulen, keyayê taxa Kalo Çetîn Dîrîn, keyayê gundê Karincak Azîz Dogan, keyayê gundê Heşerederê Mahfuz Mayda, keyayê gundê Mele Mekîn Yalçin, keyayê gundê Kervasê Abdulcebbar Çelîk, keyayê gundê Pîrikê Sevat Polat û keyayê gundê Fîrdevs Vayez Altintop.
Keyayên taxa Kalo û taxa Karahasanê, keyayê gundê Heşerederê, keyayê gundê Karincak, keyayê gundê Baravê û keyayê gundê Mele par jî li ser fermana Wezareta Karê Hundir ji wezîfeyê hatibûn girtin û qeyûm tayînî şûna wan hatibû kirin.
Hat zanîn ku keyayên ji wezîfeya xwe hatin girtin dê îtîrazî vê biryarê bikin. AMED
