Dayikên bi laçikin xwe yên spî ji bo zarokên xwe yên di greva birçîbûnê û rojiya mirinê de li Amedê derketin kolanan, rastî êrîşa polîsan hatin. Polîsan bi ava şid êrîşî dayikan kirin û hin dayik binçavkirin
Li Amedê, dayikên girtiyên li dijî tecrîdê di greva birçîbûnê û rojiya mirinê dene, ji bo ku dengê zarokên xwe bidin bihîstin bi rojane dimeşin û çalakiya rûniştinê pêk tînin. Dayikên laçik spî îro jî derketin kolanan û xwestin bibin dengê zarokên xwe. Parêzerên endamên Komeleya Hiqûqnasên Ji bo Azadiyê (OHD) jî piştgirî dan dayîkan.
Dayikên li Parka Koşûyolû ya dibin ablukeya polîsan de kom bûn, xwestin li vê derê çalakiya rûniştinê li dar bixin. Lê polîsan destûr nedan ku dayik bikevin parkê û çalakiya rûniştinê li dar bixin. Dayik li ser vê yekê berê xwe dan Komelaya TUAY-DER’ê û dest bi meşê kirin lê polîsan bi ava şit a wesayetên TOMA êrîşî dayikan kirin. Di êrîşa polîsan a bi ava şit de, hin dayîk ji der hişên xwe çûn. Polîsên ku dayik ji hev cuda kirin û kirin du kom, hin dayik binçav kirin. Polîsan hin rojnamegerên ku bûyer dişopandin derp kirin. Polîsan rojnameger ji cihê bûyerê dûr xistin, her du komên dayikan ên ji hev cuda kirin, dorpêç kirin. AMED
