Li herêma Dîluca ya Îdirê ya di navbera sînorê rojhilatê Kurdistanê û bakurê Kurdistanê de li dijî artêşa tirk çalakî pêk hat. Di encama çalakiyê de leşkerek hate kuştin û leşkerek jî birîndar bû
Şer û pevçûnên di navbera gerîlayên PKK’ê û hêzên artêşa tirk ên li başûr û bakurê Kurdistanê berdewam in. Bi hatina demsala biharê re, çalakiyên gerîla yên li dijî artêşa tirk jî zêdetir bûn. Di vê çarçoveyê de hema hema rojane gerîla li dijî artêşa tirk çalakiyên bi bandor pêk tînin.
Li gorî agahiyên ji herêmê, li herêma Dîlûca ya Îdîrê ku dikeve navbera sînorê rojhilat û bakurê Kurdistanê de, li dijî hêzên artêşa tirk çalakî hat lidarxistin. Di encama çalakiyê de leşkerê bi navê Hakan Ozdemîr hate kuştin û leşkerek jî birîndar bû.
Leşkerê birîndar rakirina Nexweşxaneya Dewletê ya Îdirê. Çavkaniyên ji herêmê ragihand ku piştî çalakiyê, artêşa tirk li herêmê operasyoneke berfireh daye destpêkirin. ÎDIR
