Dayîkanê laçigsipîyan semedê merdimanê xo yê tepişteyanê ke grevê vêşanîye û rojeyê mergî de yê çalakî viraşte. Polîsan reyna hêrişê dayîkan kerd. Tayî dayîkî rîyê hêrişê polîsanî ra xora şîyî
Amed de xeylî merdimê tepişteyan bi waştişê baleantişê serê grevê vêşanîye yê ke semedê wedartişê tecrîdê serê Ocalanî yenê viraştene bi rojan o rixmê hêrişê polîsan rayraşîyayîş û çalakîya roniştişî virazenê.
Dayîkanê laçigsipîyan ewro zî tecrîd protesto kerd û waşt ke weştişê qijanê înan bêrê ca. Parlamenteranê HDPyî û avûkatanê Komeleya Huqûnasan a Azadan (OHD) zî paştî daye dayîkan. Polîsanê ke parka Koşûyolû girewtê binê ablûqa destûr nêda dayîkî çalakî virazî. Dayîkan zî ver bi TUAY-DERî dest bi rayraşîyayîşî kerd. Polîsan bi TOMA yan hêrişê dayîkan kerd. Netîceyê hêrişî de tayî dayîkî xora şîyî. Rojnamegerê ke çalakîye teqîpkerdêne ê zî raştê hêrişê polîsan ameyî. AMED
