Qeyûmê Şaredariya Yenîşehîrê ku 178 milyon deyn xist stuyê şaredariyê, li qada ku êzidî jê derxistin ji bo Tesîsa Hespan a Biyikli Mehmet Paşa 2 milyon û 103 hezar lîre pere xerc kiriye
Qeyûm Serdar Kartal ku tayînî Şaredariya Yenîşehîra Amedê hatibû kirin, 178 milyon û 333 hezar û 888 lîre deyn xistiye stuyê şaredariyê. Derket holê ku ji bo tesîsekê pereyekî pir zêde xerc kiriye.
Êzidî derxistin tesîsa hespan çêkirin
Êzidiyên ji ber êrîşa DAIŞ’ê ya li Şengalê di sala 2014’an de mecbûr mabûn ji Şengalê koç bikin, hinan jê berê xwe dabû Amedê û Şaredariya Yenîşehîrê ew li Kampa Hêşînahiyê bi cih kiribûn. Lê belê piştî qeyûm tayînî şaredariyê hat kirin êzidî ji kampê hatin derxistin. Beşek kampê ji bo 10 salan dewrî Midûriyeta Tenduristiyê ya Bajêr û qismek jê jî ji bo 25 salan dewrî Cemiyeta Yeşîlay a Tirkiyeyê hat kirin.
Tesîs bêxwedî hiştin
Qeyûm Kartal li beşek kampê jî tesîsa hespan çêkir. Ji bo vê kampê milyon û 939 hezar û 985 lîre pere xerc kir û navê Biyikli Mehmet Paşa li tesîsê kir. Her wih ji bi 7 hespan jî 76 hezar û 700 lîre û ji bo mobîlyayên tesîsê jî 89 hezar û 668 lîre pere xerc kir. Lê belê ji ber tesîs bê xwedî maye, ji hespên hatin kirîn yek jê mir. Peywirdarê tesîsê diyar kir ku hespek miriye û tesîs bêxwedî hatiye hiştin. AMED
