Ji bo bal kişandina ser rewşa girtiyên di greva birçîbûnê û rojiya mirinê de, parêzvanên mafên mirovan û xizmên girtiyan ên Êlihê çalakiya meşa bêdeng li dar xist û laçikên spî bi daran ve girê dan
Parazvanên mafên mirovan û xizmên girtiyan ên li Êlihê ji bo bal kişandina ser rewşa girtiyên di greva birçîbûnê û rojiya mirinê de, meşa bêdeng li dar xistin. Girseya ku li ber avahiya Şaxa Komeleya Mafên Mirovan (ÎHD) a Êlihê kom bûn, heta Parka Ataturk a li Qada Turgut Ozal meşiyan.
Çalakvanan di heman demê de laçikên spî ku li ser ‘deng bide jiyanê’ hatibû nivîsandin, xistin stûyê xwe. Çalakvan bi çepik û dirûşman ketin parkê. Li parkê jî çalakvanan laçikên spî bi darên li parkê ve girêdan. Li ser vê yekê jî polîsan êrîş kir.
Di encama êrîşa polîsan de hemû laçikên spî yên ku bi daran ve hatine girêdan, hatin komkirin. ÊLIH
