Tewrê Leyla Guvena ke 189 rojî yo grevê vêşanîye de ya, derheqê 21 parlamenteranê HDPyî de fezlekeyî ameyî hadrekerdene. Fezlekeyê ke ameyî amadekerdene erşawîyayî Serekîya Meclîsî rê
Seba qedînayîşê heqê destpanêdayîşî yê 21 parlamenteranê HDPyî, 33 fezlekeyê neweyî ameyî amadekerdene û Serekîya Meclîsî rê ameyî erşawitene.
Ê parlamenteran ra yewe zî parlamentera Partîya Demokratîke ya Şaran (HDP) ya Colemêrgî Leyla Guvena ke hemverê tecrîdî de grevê vêşanîye de ya.
Hemverê hemserekanê pêroyîyan ê HDPyî Pervîn Bûldane û Sezaî Temellîyî de zî fezlekeyi ameyî amadekerdene.
Parlamenterê ke derheqê înan de fezlekeyi ameyê amadekerdene: Parlamentera Amedî Salîhe Aydenîze (3), parlamentera Wanî Mûazzez Orhane, parlamenterê Stenbolî Ahmet Şik (2), parlamentera Stenbolê ya CHPyî Salîha Sera Kadigîl Sutlu, parlamenterê Amedî Mûsa Farisogûllari (2), parlamentera Sêrtî Meral Daniş Beştaşe, parlamentera Mêrdînî Ebrû Gunaye, parlamentera Amedî Dersim Dage, parlamentera Stenbolî Pervîn Bûldane, parlamentera Şirnexî Nûran Îmîre (2), parlamentera Amedî Semra Guzele, parlamentera Colemêrgê Leyla Guvene, parlamenterê Agirîyî Berdan Ozturk (3), parlamenterê Colemêrgî Saît Dede (2), parlamentera Agirîyî Dîrayet Dîlan Taşdemîre, parlamentera Amedî Remziye Tosûne (3), parlamenterê Dîlokî Mahmût Togrûl, parlamenterê Wanî Sezaî Temellî, parlamenterê Wanî Mûrat Sarisaç (2), parlamentera Mûşî Gulîstan Kiliç Koçyîgîte û parlamentera Mêrdînî Pero Dundare. AMED
