Şaredarîya Licê deyno ke Qayûmê Şaredarîya Licê xo dima vera dayo, kerde lîste û aliqnaye awanîya şaredarî. Lîste de yeno vatene ke qayûm 7 mîlyon û 536 hezar TL pere qaseyê şaredarî ra xerc kerdo û xo dima 3 mîlyon û 586 hezar TL deyn vera dayo
Partîya Demokratîke ya Şaran (HDP) weçînayîşê herêmî ke 31ê Adare de pê ame de şaredarî tepîya girewte. Şaredarî îcraatanê qayûmî bi pankartêk aliqna awanîya şaredarî ro. Wezîrê Karê Zerre sibatê 2017î de qayûm tayînê Şaredarîya Licê kerdbî. Badê ke tayînê Qeymeqam û qayûm Sinan Başakî vejîya, gulana 2018î de Qeymeqam Abdulkadir Çelikî ame karê şaredarî ser. Qayûm 7 mîlyon û 536 hezar TL pere qaseyê şaredarî ke prosesê DBPyî ra mendbî xerc kerdo û xo dima 3 mîlyon û 586 hezar TL deyn vera dayo. Hemşaredar Tarik Mercan û Ruken Yilmaze ke 15ê nîsane de şaredarî dewt girewtî, dîyar kerdî ke qayûm xo dima 3 mîlyon 586 hezar û 824,10 TL deyn vera dayo. AMED
