Cinîya bi nameyê Sakine Oguze Dêrsim de heywananê xo berde çerênayîşî û bi hawayo şikin merde ameye vînayene
Vizêr saetanê nîmerojî de Sakine Oguza ke dewa Geçîmlî ya qezaya Xozatî ya Dêrsimî de cuyayêne heywananê xo berde çerênayîş. Dewijo ke verê heywananê Oguze ra derbaz bî, vîna ke kesêk heywanan ver de çin o û dima ra cenazeya Oguze vîna. Dewij xeber da ekîbê weşî û cendirme sewqê hereme ame kerdene. Ekîbê weşî cayê hedîse de tesdîq kerd ke cenaze aîdê Sakine Oguze ya. Badê cigêrayîşan cenazeya Sakine Oguze wedarîya Nêweşxaneyê Entegre yê Xozatî.
Cenazeya Sakine Oguze seba otopsî berdî Dezgeyê Tibê Edlî (ATK) yê Meletî.
Ame zanayene ke derheqê hedîseyî de tehqîqat dîyayo dest pêkerdene û dewam keno. DÊRSIM
