Dêrsim de cinîya bi nameyê Sakîne Ogûze (57) gama ke heywanê xo çerênayêne, merde ameyebî vînayene. Otopsî de vejîya werte ke Ogûze bi 2 guleyan ameya kiştene
Cinîya bi nameyê Sakîne Ogûza ke dewa Geçîmlî ya Xozatî ya Dêrsimî de merde ameyebî vînayene, otopsî de ame tesbîtkerdene ke bi 2 guleyan ameya kiştene.
Sakîne Ogûza ke dewa Geçîmlî ya qezaya Xozatî ya Dêrsimî de wexto ke heywanê xo çerênayêne hetê dewijan ra merde ameyebî vînayene. Ogûza ke ameyebî derbkerdene rîyê mergê bişikî ra Dezgehê Tibê Edlî (ATK) yê Meletî rê ameyebî wedarnayene. Goreyê raporê otopsî Ogûze bi 2 guleyan ameya kiştene. Meyîtê Ogûze vizêr bi merasîmêk dewa ci Geçîmlî de ame definkerdene. Cinîyanê ke cenazeya Ogûze ermeyanê xo ser kirişte bi sloganan hêrişê serê cinîyan rê hêrsê xo ard ziwan. DÊRSIM
