Serokê DYA’yê Donald Trump gef li Îranê xwar û diyar kir ku eger êrîşî berjewendiyên Amerîkayê bike wê dawî lê bê
Serokê DYA’yê Donald Trump bi rêya Twitterê daxuyanî da û wiha got: “Eger Îran dixwaze şer bike, hingî wê ev yek dawiyê li Îranê bîne.” Trump xwest Îran tu carî gefan li DYA’yê nexwe.
Beriya vê daxuyaniyê fermandarê mûxafizên şoreşê Huseyîn Selamî diyar kiribû ku Îran şer naxwaze, lê belê ji şer jî natirse. Li gorî Tehranê, DYA ne xwedî wan derfetan e ku karibe li Kendavê şer bike.
DYA saleke zextên xwe yên li ser Îranê giran dike. DYA piştî ku gulana 2018’an bi rengekî yekalî xwe ji peymana nukleerê vekişand, dest bi pêkanînên aboriyê kir. Metirsiya li ser rûdana şer her zêde dibe, lê belê Serokê DYA’yê di civînekê de ya li Qesra Spî gotibû, şerekî çekdarî yê li dijî Îranê wan eleqedar nake.
Tevî vê yekê jî alozî timî tê mezinkirin. DYA herî dawî îdia kiribû ku Îran amadekariyê dike ku êrîşê bibe ser hêzên DYA’yê yên li herêmê û leşkerên xwe xistibû nava alarmê. Pentagonê jî hejmara leşkerên xwe yên li Kendavê zêde kir. Keştiyeke balafiran û balafirên şer şand. WASHINGTON
