Dayikên girtiyan ên li Gebzeyê polîsên tirk êrîşî wan kirin, gilî kirin. Dayikan diyar kirin ku dê çalakiya wan bidomin
Dayikên ku li Gebzeyê ji bo xwedîderketina li zarokên xwe yên di greva birçîbûnê û rojiya mirinê de ne çalakiyan dikin, dibin hedefa êrîşa polîsên tirk. Dayikan li Edliyeya Kocaeliyê îro giliyê polîsên tirk kirin. Dayikan li ber edliyeyê daxuyanî dan û êrîşên polîsan ên bi kîn û nefret şermezar kirin û diyar kirin ku êrîşên ku tên kirin ji bo têkbirina çalakiya wan e û dê çalakiya wan bidomin.
Parlamentera HDP’ê ya Rihayê Ayşe Surucu jî got ku êrîşên li dijî dayikan nîşaneya helwesta hikûmetê ya li hemberî gelê kurd e. KOCAELÎ
