Avûkatanê Ocalanî semedê pêvînayîşê muwekîlê xo muracatê Serdozgerîya Komare ya Bûrsa kerd
Avûkatanê Rayberê PKKyî Abdullah Ocalanî Rezan Sarica, Îbrahim Bilmez, Raziye Turgut û Serbay Koklu semedê pêvînayîşê muvekîlê xo roja Çarşeme muracatê Serdozgerîya Komare ya Bûrsa kerd. Avûtan muracat de waşt ke ewro û siba muvekîlê xo dir pêvînayîş virazî.
Avûkatan badê 8 serran tewr peynî 2ê Gulane de pêvînayîş viraştbî. Tewr peynî de avûktan ra Newroz Ûysale û Rezan Saricayî 8 serran ra dima 2ê Gulane de pêvînayîşêk viraşt. O wextê rê dima muracatanê binan rê hema cewab nêameyo dayene. La 2ê Gulane ra tepiya muracatê avûkatan bê cewab maneno. Mehkemaya Cezaya Giran ya Bûrsa 17ê Nîsane de qerarê qedexeyê avûkatan wedarnaye. Wezîrê Edaletî Abdulhamît Gulî zî 16ê Gulanê de eşkerayîyek dabî û vatbî: “Qerarê astengkerdişê serê avûkatan ameyo wedarnayene.”
27ê Temmuze ya 2011î ra heta nika 180 muracatê avûkatan bi behaneyanê cîya cîyayan ameyî redkerdene. STENBOL
