Welatiyekî ku li navçeya Karabaglar a Îzmirê karê marketê dike, ji bo balê bikişîne ser çalakiya greva birçîbûnê ya Hevseroka KCD’ê Leyla Guven û hezaran girtiyên siyasî, li ser refên zexîre û vexwarinan “Deng bide jiyanê” “Agahiya we ji rojiyên mirinê heye” nivîsî
Berxwedana greva birçîbûnê ya li dijî tecrîdkirina Rêberê Gelê Kurd Abdullah Ocalan a bi pêşengiya Hevseroka KCD’ê Leyla Guven dest pê kir di roja 196’an de ye. Çalakiya girtiyan a bi heman armanê dest pê kiriye ye jî di roja 158’emîn de didome. Bi hezaran girtî niha di greva birçîbûnê de ne. Dîsa 30 girtî di rojiya mirinê de ne. Welatiyekî ku li navçeya Karabaglar a Îzmirê karê marketê dike, ji bo balê bikişîne ser çalakiya greva birçîbûnê ya Hevseroka KCD’ê Leyla Guven û hezaran girtiyên siyasî, li ser refên zexîre û vexwarinan “Deng bide jiyanê” “Agahiya we ji rojiyên mirinê heye” nivîsî.
‘Agahiya we ji rojiya mirinê heye?’
Xwediyê marketê li ser refên xwarin, vexwarin û zexîreyan nîşeyên “Agahiya we ji rojiya mirinê ya li girtîgehan heye?”, “Deng bidin berxwedana zindanan”, “Deng bidin jiyanê” “Deng bidin Leylaya” û “Leyla Guven 196 rojin di gervê de ye. Em bibin dengê wê da ku Leyla bijî” û “Bêdengî dikuje” nivîsî.
Xwediye marketê diyar kir ku gelek muşteriyên tên vir ev nîvîs bala wan dikişîn e û li ser vê yekê pirsan ji wî dikin. Xwediyê marketê anî ziman ku li ser bêdengiya medya îkdîdarê û nedîtina vê rastiyê xwest bi vê rêbazê balê bikişîne ser çalakiyên grevê da ku derdora xwe agahdar bike. ÎZMÎR
