Serokê Nifşê Nû Şaswar Ebdulwahîd ev 7 roje dibin çavan deye û xeber jê nayê girtin. Bi binçavkirina Şaswar Ebdulwahî re, heya niha 2 serokên hizbên muxalefetê ji aliyê desthilatdariya hikûmeta Herêma Federal a Kurdistanê ve hatine binçavkirin
Di 16’ê gulanê de serokê Nifşê Nû Şaswar Ebulwahîd bi fermana asayîşa giştî hate binçavkirin û hîn jî nehatiye azad kirin.
Ji roja ku rêveberiya Herêma Federal a Kurdistanê hatiye avakirin heya niha, li rexmê ku bi dehan dozên gendelî û siyasî hene, li bi ti rêveberek hizban re lêkolîn nehatiye kirin.
Hizba Şaswar Ebdulwahîd li parlamentoya herêma Kurdistanê xwediyê 8 parlamenteran e û li Iraqê jî xwediyê 4 parlamenteran e. Bi Şaswar re, di nava salên dawî de 2 rêveberên hizban hatin binçavkirin. Her 2 rêveber jî serokê hizbên muxalefetê ne.
Serokê yekem yê hatî binçavkirin, di 14’ê nîsana 2006’an de serokê wê demê yê Partiya Çareseriya Demokrata Kurdistanê (PÇDK) Fayeq Gulpî bû. Gulpî 10 roj di zindanê de hate ragirtin. Di heman salê de carek din serokê PÇDK’ê Fayeq Gulpî ji aliyê asayîşa Silêmaniyê ve 7 roj hate binçavkirin.
Bi binçavkirina serokê Nifşê Nû re, heya niha 2 serokên hizbên muxalefetê ji aliyê desthilatdariya hikûmeta Herêma Federal a Kurdistanê ve hatine binçavkirin. HEWLÊR
