Velî Encu li gundê Roboskê di encama serdegirtina malê ya leşkeran de hate binçavkirin. Sedema binçavkirina Encu nehat zanîn
Leşkerên dewleta tirk li gundê Roboskê bi ser mala Velî Encu de girtin. Di encama serdegirtina malê de Velî Encu hate binçavkirin. Hat zanîn ku leşkeran Encu birin qereqola gund. Têkildarî sedema binçavkirina Encu tu agahî nehatin bidestxistin.
Hêjayî bibîrxistinê ye ku hêzên artêşa tirk di 28’ê kanûna sala 2011’an de şêniyên gundê Roboskê yên ku li ser sînor bazirganî dikir, bombebaran kiribû. Di encama bombebaranê de 19 jê zarok bi giştî 34 welatî hatibûn qetilkirin. Di komkujiyê de ji birayê Velî Encu, Serhat Encu û gelek xizmên Encu hatibûn qetilkirin.
Biraye Velî Encu ku di heman demê de parlamenterê HDP’ê yê Şirnexê Ferhat Encu jî hêj girtî tê darizandin. ŞIRNEX
