Hêzên dewleta tirk li Mêrsînê bi ser gelek malan de girt. Hejmara kesên duh di encama serdegirtina malan de hatine binçavkirin derket 7’an
Polîsên dewleta tirk duh di çarçoveya operasyonên qirkirina siyasî de li bajarê Mêrsînê bi ser gelek malan de girt. Hat zanîn ku hejmara kesên di encama serdegirtina malan de hatine binçavkirin derket 7’an.
Duh di encama serdegirtina malan de rêveberên Komeleya Piştgirî û Piştevaniyê ya Malbatên Girtî û Hikûmxwaran a Çukurovayê (TUAY-DER) Celal Yel, Orhan Hazar û welatiyên bi navên Fatmagul Demîrbag û Hava Tekîn hatibûn binçavkirin. Hat zanîn ku di saetên ber êvarî de jî kesên bi navên Nazan Dundar, Haci Yilmaz û li navçeya Tarsûsê jî rêveberê TUAY-DER’ê Cengîz Dere hatin binçavkirin.
Sedema binçavkirinê nehat zanîn. Kesên hatin binçavkirin li Midûriyeta Polîsan a Mersînê tên girtin. MÊRSÎN
