Nûnerê Taybet ê Amerîka yê ji bo karûbarên Sûriyê James Jeffrey ji Îranê xwest ku demildest hêzên xwe ji Sûriyeyê vekişîne
Nûnerê Taybet ê Amerîka ji bo Sûriyê James Jeffrey di rûniştina Kongreya Amerîkayê ya bi navê ‘Stratejiya dewletê û lêgerîna çareseriya Sûriyeyê de’ axivî.
James Jeffrey diyar kir ku startêjiya Amerîkayê ya girêdayî Sûriyeyê ne li dijî bangawaziyên wan a hebûna rola Amerîka di pêkanîna ewlehiya Sûriyê de ye û wiha got: “Stratejiya me ya li Sûriyeyê, bi lez dawî kirina şere, divê ev şer bi dawî bibe û eger em derkevin dê trajîdiya şer zêde bibe. Bi lez vekişîna Îranê ji seranserî Îranê yek ji bendên vê statejiyê ne.”
James Jeffrey da zanîn ku tu carî behsa vekişandina hêzên xwe yên hawayî ji Sûriyeyê nekirine û wiha got: “Me detayên avakirina herêmek hîna diyar nekirine, lê ev herêm dê ji aliyê hêzên herêmî ve were bi rêvebirin û dê nuqteyên çavdêriyê yên Tirkiyeyê û Amerîka tê de hebin.”
Hêjayî gotinê ye ku peymana di navbera Rûsya û Îsraîlê de, hêzên Îranê ji sînorên Îsraîlê nêzî 80 kîlometreyan dûr xistine. Heta niha Îsraîlê zêdetirî 200 caran baregehên Îranê yên li Sûriyeyê hedef girtine û daxwaz dike ku Îran bi tevahî ji Sûriyeyê derkeve. WASHINGTON
