Binê nameyê turîzmê seydî de do bajarê Çewlîg zî tede 19 bajaran de 324 pezkovîyî bêrî qetilkerdene. Çarçeweya destûrê seydî de do Çewlîg de 2 pezkovî û 2 pezkovîyê qoçê çengalinî zî bêrî qetilkerdene
Mudirîya Pêroyî ya Parkê Milli û Pawitişê Xoza talîmatê turîzmê seydî yê serra 2019-2020î (1ê nîsana 2019 û 31ê adara 2020î) weşênaye. Goreyê eşkerayîya Mudirîya Pêroyî ya Parkê Milli û Pawitişê Xoza tarîxê ke ameyî dîyarkerdene de seydê pezkovîye, pezkovîyê qoçê çengalinî, mîya pezkovî, gakovîyê sûre, pezkovîya melez, xezale, qerece, xozo pezkovî, çeqele û luwî serbest o.
Binê nameyê turîzmê seydî de destûr dîya qetilkerdişê 324 pezkovîyê bajaranê sey Edene, Semsûr, Artvîn, Çewlîg, Erzingan, Erzirom, Giresun, Gumuşhane, Hatay, Isparta, Karaman, Kayserî, Konya, Mêrsîn, Mugla, Nîgde, Sêwaz û Dêrsimî. Çarçeweya destûrê seydî de do Çewlîg de 2 pezkovî û 2 pezkovîyê qoçê çengalinî zî bêrî qetilkerdene.
