Çalakîya nobete ya dayîkan yê ke Esenyurtî de awanîya HDPyî ya Esenyurtî de dayî destpêkerdene dewam kena. Dêrsim de zî çalakîya wayîrvejîyayîşê grevê vêşanîye ya ke rayberîya Leyla Guvene de ameybî despêkerdene, yena domanyene. Çalakîya vizêrî ya 19. de reyna wedarnayîşê tecrîdî ame waştene
Merdimê hepsîyanê ke seba şikitişê tecrîdê serê Rayberê PKKyî Abdulalh Ocalanî grevê vêşanîye de yî, çalakîyanê do domnenî. Merdimê hepsîyan xeylê zîndanê ke hepsî tede grevê vêşanîye de yî de çalakî pê anî. Çalakîya nobete ya dayîkan ya Esenyurtî ke awanîya HDPyî ya Esenyurtî de dayî dîya destpêkerdene dewam kena. Dêrsim de zî çalakîya wayîrvejîyayîşê grevê vêşanîye ya ke rayberîya Leyla Guvene de ameybî despêkerdene, yena domanyene. Çalakîya vizêrî ya 19. de reyna wedarnayîşê tecrîdî ame waştene.
Merdimê hepsîyan dîyar kerdî ke ê do çalakîya xo dewam bikerî û awanîya HDPyî ra nêşêrî.
Dêrsim
Dêrsim de çalakîya paştdayîşê grevê vêşanîye û rojeyê mergî yê ke semedê wedartişê tecrîdê serê Rayberê Şarê Kurdî Abdullah Ocalanî bi mengan o yenê domnayene, vizêr roja 19’ine de dewam kerde.
Rayberîya Partîya Demokratîke ya Şaran (HDP) de reyna Meydanê Seyîd Rizayî yê Dêrsimî de xeylî kesî ameyî têhet. Çalakgeran bi laçiganê sipîyan û pankarta ‘Vêşanîye nê bêvengîya mirnena, veng bidê cuye’ waştî ke tecrîd cade wedarîyo. Hemserekê HDPyî yê Dêrsimî Hidir Çîçekî vist vîrî ke rewşa çalakgeran zaf giran a û va: “Çim û goşê ma rayîrê xeberêka rinde de yê. Ma umîd kenê ke hinî kesêk seba ke waştişê ci yê biheq bêrê ca grevê vêşanîye rê mecbûr memano.” STENBOL / DÊRSIM
