Goreyê dayeyê Wezîrîya Turîzm û Kulturî pêroyê Tirkîye de 309 muze estî. Goreyê dayeyê TUÎKî yê 2017î zî tewrê muzeyê taybet welat de pêro-pîya 438 muze estî û Çewlîg 8 bajarê ke tede muze çin î ra yew o
Rojanê vîyarte de Mudirîya Muze ya Xarpêtî qezaya Bongilanî ya Çewlîgî de roja muzeyan pîroz kerde. Seba ke Çewlîg de muze çin o Girikê Norikî yê tarîxî de kinitişê arkeolojîk hetê Muzeya Xarpêtî ra yeno kerdene. Çewlîg de reya yewino ke kinitişêko arkeolojîk yeno kerdene û seba ke Çewlîg de muze û arkeolog çin î, kinitişê winasî nînê kerdene. Cok ra awanî û cayê tarîxî yê Çewlîgî ver bi çinbîyayîş de yî.
Goreyê dayeyê Wezîrîya Turîzm û Kulturî pêroyê Tirkîye de 309 muze estî. Goreyê dayeyê Dezgeyê Îstatîstîkî yê Tirkîya (TUÎK) yê 2017î zî tewrê muzeyê taybet welat de pêro-pîya 438 muze estî û Çewlîg 8 bajarê ke tede muze çin î ra yew o.
Tirkîye de 81 bajar ra tena 73 hebê ci de muze estî. Nê bajaran ra yew zî Çewlîg o. Çinbîyayîşê muze vera tarîx ra nata çîyê bi ke Çewlîg de ameyî û yenî vînayene erşawîyenî bajaranê sey Xarpêt û Erziromî. Na babete bi serran o rojeve de ya, la heta nika tu gamêk daxî naêmeyo eştene. Bajarê Dêrsim û Muşî de nika xebata awankerdişê muze yena kerdene.
Goreyê dayeyê Wezîrîya Turîzm û Kulturî hûmara mzueyan:
Edene 5, Semsûr 6, Afyonkarahisar 1, Agirî 1, Aksaray 5, Amasya 3, Anqara 7, Antalya 24, Ardahan 0, Artvin 0, Aydin 12, Balikesir 5, Bartin 1, Êlih 2, Bayburt 0, Bilecik 2, Çewlîg 0, Bidlîs 2, Bolu 1, Burdur 3, Bursa 7, Çanakkale 5, Çankiri 1, Çorum 4, Denizli 4, Amed 4, Duzce 1, Edirne 2, Xarpêt 0, Erzingan 0, Erzirom 4, Eskişehir 3, Dîlok 5, Giresun 1, Gumuşhane 0, Colemêrg 0, Hatay 4, Îdir 0, Isparta 4, Stenbol 14, Îzmir 21, Kahramanmaraş 1, Karabuk 0, Karaman 1, Kars 2, Kastamonu 2, Kayseri 5, Kirikkale 1, Kirklareli 1, Kirşehir 3, Kilîs 1, Kocaeli 3, Konya 11, Kutahya 4, Meletî 4, Manisa 5, Mêrdîn 1, Mêrsîn 18, Mugla 24, Muş 0, Nevşehir 17, Nigde 2, Ordu 1, Osmaniye 2, Rize 2, Sakarya 1, Samsun 3, Sêrt 0, Sinop 2, Sêwaz 2, Riha 4, Şirnex 0, Tekirdag 2, Tokat 3, Trabzon 2, Dêrsim 0, Uşak 4, Wan 5, Yalova 0, Yozgat 1 ve Zonguldak 2. ÇEWLÎG
